DOWNLOAD TEKS AQOID AL-IMAN VERSI SUNDA PDF GRATIS

AQO'IDUL IMAN

Ari Aqo'idna iman eta aya lima puluh perkara, dua puluh anu wajib di Alloh dua puluh anu mohal di Alloh, hiji nu wenang di Alloh jadi opat puluh hiji, opat nu wajib di Rosul opat nu muhal di Rosul hiji nu wenang di Rosul jadi jumlahna salapan, salapan jeung opat puluh hiji jadi jumlah lima puluh.

Hiji Wujud, aya Alloh, mohal Alloh Ta'ala teu aya

Dua Qidam, teu aya mimitina, ayana Alloh mohal aya mimitina

Tilu Baqo, teu aya tungtungna, ayana Alooh mohal aya tungtungna

Opat Mukholafatul Lilhawaditsi, beda Alloh jeung sakabeh anu anyar, mohal Alloh sarua jeung anu anyar

Lima Qiyamuhu Binafsihi, sugih Alloh kusabab Alloh teh dzat, lain sifat henteu kareup kana dzat lian jeung kanu nyieun, mohal Alloh ta'ala kareup kana dzat lian jeung kanu nyieun

Genep Sifat Wahdaniyyat, sahiji Alloh nunggal dina dzatna, nunggal sifatna nunggal padameulannana, mohal Alloh bingbilangan dzatna, mohal Alloh rangkep-rangkep sifatna dina warna sifat hiji, mohal aya nu gaduh sifat liana Alloh saperti sifatna Alloh, mohal aya nu jadi matak salian Alloh Ta'ala

Tujuh Qudrot, Kawasa Alloh, mohal Alloh ta'ala apes

Dalapan Irodat, masti Alloh, nu masti Alloh kana mumkin, mohal Alloh Ta'ala teu masti

Salapan Ilmu, uninga Alloh kana sagala perkara, mohal Alloh Ta'ala teu uninga

Sapuluh Hayat, hirup Alloh, mohal Alloh Ta'ala teu hirup

Sabelas Sama', ngarungu Alloh, mohal Alloh Ta'ala teu ngarungu

Dua Belas Bashor, ningali Alloh, mohal Alloh Ta'ala teu ningali

Tilu Belas Kalam, ngalahir Alloh, mohal Alloh Ta'ala teu ngalahir

Opat Belas Kaunuhu Qodiron, nukawasa Alloh ku sifat qudrot, sanes kuparabot mohal Alloh Ta'ala apes

Lima belas Kaunuhu Muridan, nu mesti Alloh kana mumkin, ku sipat Irodat sanes ku ati mohal Alloh Ta'ala teu masti

Genep belas Kaunuhu 'Aliman nu uninga Alloh ku sipat Ilmu, sanes ku akal sanes ku paham, mohal Alloh Ta'ala teu uninga

Tujuh belas Kaunuhu Hayyan, nu hirup Alloh ku sifat Hayyat, sanes ku nyawa mohal Alloh Ta'ala maot.

Dalapan belas Kaunuhu Sami'an, nu ngarungu Alloh ku sipat Sama' sanes kuceupil, mohal Alloh Ta'ala teu ngarungu

Salapan belas  Kaunuhu Bashiron, nu ningali Alloh ku sifat Bashor, sanes ku soca, mohal Alloh ta'ala teu ningali

Dua puluh Kaunuhu Mutakalliman, nu ngalahir Alloh ku sifat Kalam, sanes ku lambey sanes ku lisan, hanteu aya suarana, hanteu aya aksarana, hanteu aya wekasanana, mohal Alloh Ta'ala teu ngalahir

Ari nu wenang di Alloh hiji, nyaeta Ngadamel Mumkin atawa tinggal ngadamel Mumkin Ari ngaran Mumkin eta, nyaeta sagala perkara,nu kaharti aya atawa kaharti euweuh, nyaeta sagala perkara liana Alloh jeung lian sifat-Na Alloh,  jeung liana nu mohal di Alloh.

Ari nu Wajib di rasul opat, nu mohal opat nu wenang hiji.

Hiji Shidiq, leres para rosul, Ngangkeuna jadi utusan Alloh Mohal Kidzib teugeusna mohal bohong

Dua Amanah, salamet para rosul, tara ngalakonan doraka anu ageung anu alit teu dihaja tara hilap-hilap acan, mohal para Rosul Khianat tegesna cidera ngalakonan doraka.

Tilu Tabligh, nyumpingkeun para Rosul kana hukumna Alloh Ta'ala, nu dipiwarangkeun ku Alloh ka Rosul, ku Rosul kedah disumpingkeun ka makhluk, mohal Kitman tegesna mohal nyumputkeun

Opat Fathonah pinter para Rosul, tiasa ngelehkeun hujahna musuh padu, mohal Biladah tegesna mohal belet.

Ari nu wenang di para Rosul hiji nyaeta A'rod Basyariyah tegesna sifat bangsa kamanusiaan, anu henteu nyacad kana pangkat ka rosulan, saperti tuang anu halal atawa ngaleueut anu halal atawa sapatemon sareng isteri anu halal. Sareng kongang para rosul katetepan sifat teu damang anu heunteu matak nyacad kana pangkat karosulan saperti rieut atawa mules, sareng teu kongang para rosul katetepan sifat teu damang anu matak nyacad kana pangkat karosulan, saperti edan atawa gelo atawa corob, budug, kesrek.